“Drejtësi për Arlindën”, Nora Istrefi tregon se do të jetë pjesë e protestës për të

Këngëtarja e njohur shqiptare, Nora Istrefi, ka njoftuar se do të jetë pjesë e protestës që mbahet sot (e mërkurë) në Prishtinë, në kërkim të drejtësisë për Arlinda Zekajn. Përmes një postimi në InstaStory, artistja ka shprehur dhimbjen për rastin, duke theksuar se gratë meritojnë të jetojnë të sigurta, pa frikë dhe të kthehen në shtëpitë e tyre pa u rrezikuar. “Me dhimbje që po kërkojmë ende gjënë më themelore: që një grua të jetë e sigurt, të jetojë pa frikë dhe të kthehet në shtëpi”, ka shkruar ajo.