Arrestohen tre persona për dy vrasjet në Gjorçe Petrov

Ministria e Punëve të Brendshme (MPB) ka arrestuar tre persona të dyshuar për vrasjet në lagjen Gjorçe Petrov të Shkupit, mëson jozyrtarisht televizioni Sitel. Dje, në këtë lagje u gjet trupi i pajetë i një gruaje 76-vjeçare, me shenja të dukshme dhune. Trupin e saj e zbuloi vajza, e cila menjëherë njoftoi policinë. Sipas fqinjëve, gruaja jetonte e vetme prej tre vitesh, ndërsa herën e fundit ishte parë dy ditë më parë. Ata kanë deklaruar se gjatë natës nuk kishin dëgjuar apo vërejtur asgjë të pazakontë.