Грчкиот диригент Михаилидис: Културата е алатка што ги обединува народите

Верувам дека културата е голема алатка што ги обединува народите. Камо културата да беше најважната вештина на дипломатијата! Сметам дека културната дипломатија можеби е една од најкорисните алатки што државите можат да ги имаат за да ги приближат не само народите, туку и нивните влади, вели за МИА грчкиот диригент Мирон Михаилидис. Михаилидис в петок по петти пат ќе биде во Скопје и под неговата диригентска палка ќе биде изведена операта „Набуко“ на Џузепе Верди во Националната опера и балет, а во разговор со дописничката на МИА од Атина, говори за впечатоците од неговото искуство кај нас, за евентуалните тешкотии и предизвици со кои еден диригент се соочува при меѓународните соработки, за хемијата со музичарите и чувството со кое ја напушта концертната сала, но и за безвременската и универзална порака на „Набуко“.