БМВ не се откажува: најавен нов бензински М3 (ВИДЕО)

БМВ не се откажува од својот линиски шестцилиндричен мотор. Иако пристигнувањето на електричниот M3 се очекува за неколку месеци, М одделот развива и нова генерација спортски седан со бензински мотор, чие претставување е планирано за 2028 година. Новите шпионски снимки од тестирањата откриваат прототип под дебела камуфлажа, а снимен е и звукот на мотор со внатрешно согорување. Иако возилото е скриено, масовно проширените браници потврдуваат дека ова е M модел, а не неодамна претставениот M350 иксдрајв. Звукот снимен при стартувањето на моторот навестува дека би можел да се слуша еден од последните, а можеби и последниот M3 со бензински мотор. Под хаубата веројатно се наоѓа надградена верзија на познатиот 3,0-литарски линиски шестцилиндричен мотор со два турбополначи, познат интерно како С58. Сепак, моторот нема да биде идентичен со оној во сегашниот модел.