Француската полиција е најбрутална во Европската Унија?

Франција овој викенд ја погоди нов бран масовни протести, поради што низ целата земја беа распоредени околу 70.000 полицајци и жандарми, заедно со специјални единици, оклопни возила, хеликоптери и водни топови. Засилени беа и воените патроли, кои веќе се вклучени во антитерористички мерки. Протести и штрајкови се одржаа и во други европски земји, вклучувајќи ги Италија и Албанија. По минатонеделните немири во Франција и сериозните повреди што ги претрпеа некои демонстранти во судирите со безбедносните сили, повторно се поставува прашањето за полициските методи. Дали француската полиција е навистина најбрутална во Европската Унија?