Левица откри сомнителни тендери во МАНУ

МАНУ, под раководство на Живко Попов, татко на пратеникот на ДПМНЕ Сергеј Попов, продолжува да отвора прашања за начинот на кој се трошат јавните пари. По милионскиот договор за сметководствени услуги и спорната набавка за дезинфекција, дезинсекција и дератизација, Левица ја отвора и набавката на противпожарни апарати и сервисирањето на постојните ПП-апарати, се вели во соопштението од Левица.. -МАНУ веќе располага со бројот на ПП-апарати предвидени со важечкиот Елаборат за заштита од пожари. Сепак, во 2026 година се спроведува нова набавка на противпожарни апарати. Во достапната документација не е наведено кој стручен документ утврдил дека постојните апарати треба да се заменат или дека е потребна набавка на дополнителни апарати. Не е наведено ниту кога последен пат биле сервисирани постојните апарати и дали воопшто биле неисправни.