Хрватска го доби својот трет еднорог, стартап вреден над милијарда долари

Дејтона, стартап со хрватски основачи кој развива компјутерска инфраструктура за агенти за вештачка интелигенција, обезбеди 60 милиони долари во инвестициска рунда од Серија Б, со проценета вредност од 1 милијарда долари. Така, по Инфобип и Мате Римац, стана третиот хрватски еднорог, објави Нетокрација, чија инвестиција ја потврди ко-основачот и извршен директор Иван Буразин. Приватна технолошка компанија чија вредност се проценува на најмалку една милијарда долари се нарекува еднорог. Седиштето на Дејтона е во Сан Франциско, а тимот се развива во Сплит и Загреб. Дејтона е основана во 2023 година од Иван Буразин, Ведран Јукиќ и Горан Драганиќ. Нивната соработка на алатки за програмери започна уште во 2009 година, преку проектот Codeanywhere. Во првата инвестиција, вредна два милиони долари, тие беа поддржани од познатите хрватски претприемачи Дамир Сабол, Алан Сумина, Томислав Цар и Лука Абрус.