Одреден терминот за првото ракометно „вечно“ дерби меѓу Вардар и Пелистер

Познато беше дека викендов ќе се игра првото „вечно“ дерби меѓу Вардар и Еурофарм Пелистер во Суперлигата, а сега е одреден и точниот термин. Големите ривали Вардар и Пелистер в недела, на 1 ноември, ќе го одиграат првото дерби во оваа сезона. Актуелниот шампион го потврди терминот на натпреварот, кој ќе започне во 17:45 часот. Вардар информираше и дека е пуштена во продажба влезниците за дербито, а цените се движат од 300 до 500 денари. Се очекува голем интерес за дуелот меѓу двата најголеми ривали во македонскиот ракомет.