Kriza që mund të shembë euron dhe të tronditë Evropën

Tensionet sociale, borxhi i lartë publik dhe pasiguria politike në Francë po shtojnë shqetësimet për një krizë të re financiare në Evropë. Analisti Wolfgang Münchau paralajmëron se një përshkallëzim i situatës mund të përhapet në Belgjikë dhe Itali, të kërcënojë qëndrueshmërinë e euros dhe të godasë rëndë edhe ekonominë britanike… “Irlandezët thonë se nuk janë Greqia. Portugezët thonë se nuk janë Irlanda. Ministri spanjoll i Financave deklaroi javën e kaluar se Spanja nuk është Portugalia”. Këto fjalë i shkrova në Financial Times më shumë se 15 vjet më parë, kur eurozona po përballej me krizën e borxheve sovrane. Sot, situata duket e ngjashme, por me protagonistë të tjerë. Belgjikët këmbëngulin se nuk janë francezët. Së shpejti mund të dëgjojmë edhe italianët të deklarojnë se nuk janë belgjikët. Ndërsa vëmendja përqendrohet te Franca, protestat, dhuna dhe mundësia në rritje e një krize financiare, pyetja kryesore është se si mund të përhapet kjo krizë në pjesën tjetër të Evropës.