Секој трет Европеец поддржува авторитарна или популистичка партија

Речиси еден од тројца гласачи во Европа поддржува партија која е авторитарна или популистичка, според ново истражување спроведено во 31 европска земја. Индексот на авторитарен популизам, објавен од два европски тинк-тенкови, EPICenter и Timbro, покажува дека најголем раст на поддршката во последните години е забележан во Германија, Бугарија и Норвешка, додека во Унгарија поддршката значително се намали по априлските избори на кои премиерот Виктор Орбан претрпе пораз, објавува EUObserver. Овие организации ги анализирале резултатите од парламентарните избори за 260 партии во 31 земја од 1946 година, односно од одржувањето на првите слободни избори.