Израел денес решава каква држава сака да биде

Израелците денеска гласаат на клучни избори, додека нивната земја се соочува со нерешени војни, сè уште ги чувствува последиците од нападот на Хамас во 2023 година и е длабоко поделена околу карактерот на државата и личноста што треба да ја води. Премиерот Бенјамин Нетанјаху, кој гласаше веднаш по пладне, се соочува со низа партии кои се обидуваат да го симнат од власт израелскиот премиер со најдолг стаж. Анкетите на јавното мислење укажуваат на тесна трка со неговиот главен ривал, поранешниот началник на Генералштабот, Гади Ајзенкот. Повеќе од 7 милиони луѓе имаат право на глас, а според извештаите, десетици илјади пристигнале од странство. „Ова е многу трогателен и судбоносен момент“, изјави Нетанјаху. По гласањето, тој им рече на новинарите дека верува оти арапските партии, кои би можеле да бидат одлучувачки за исходот на изборите, „добиваат огромна, навистина огромна поддршка. Тие излегуваат на гласање во бројки какви што досега не се видени“.