Nisma për riemërimin e rrugëve në Tetovë assesi të përfundojë

Pavarësisht se u paralajmërua se lista me emrat e rinj të rrugëve në Tetovë do të ishte gati gjatë muajit shtator, kjo nuk ka ndodhur, madje për pak ditë po përfundon edhe tetori ndërsa lista nuk është kompletuar ende, shkruan Portalb.mk. Siç njoftoi kryetari i Komisionit për emërimin e rrugëve, Albi Qamili, lista ka arritur në 254 emra, ndërsa që lista të kompletohet duhen 300 emra. “Presim edhe një herë të ulemi bashkë me grupin e punës ti kalojmë edhe disa emra deri sa të kompletohet lista, dhe pas kompletimit të saj, do shqyrtohet edhe një herë me ekspertë të brendshëm dhe të jashtëm që të mos kemi gjatë rrugëtimit probleme juridike gjuhësore apo administrative”, deklaroi Qamili.