Prokuroria kërkon paraburgimin e ish-bashkëshortit të Arlinda Zekajt

Prokuroria Themelore në Pejë ka kërkuar masën e paraburgimit ndaj Jeton Sylajt., ish-bashkëshorti i Arlinda Zekajt, që u vra të dielën. Për vrasjen është i dyshuar kunati i Zekajt, ndërsa bashkëshorti i saj është ndaluar për veprën penale të “mospërfilljes së gjykatës”. transmeton Koha.net. I pandehuri u ndalua pak orë para vrasjes së Zekajt. Në njoftim të Prokurorisë thuhet se ai nuk i është bindur aktvendimit të Gjykatës së Pejës për qëndrim në distancë. Në kërkesë, Prokuroria ka bërë të ditur se Sylaj e ka kërcënuar viktimën e se ia ka hedhur rrobat nga rrobalarësja në oborr të shtëpisë.