Нов тренд во убавината што го освои светот

Во неверојатен пресврт на глобалната сцена за убавина, филерите со хијалуронска киселина – кои долго време се сметаа за златен стандард за подмладување – постепено паѓаат во втор план пред еден нов, екстравагантен тренд: инјекции базирани на екстракт од сперма од риба. Иако звучи шокантно, овој третман станува хит во азиските естетски центри, а сè повеќе европски клиники најавуваат дека ќе го воведат во својата понуда. Не станува збор буквално за сперма, туку за полинуклеотиди – молекули на ДНК добиени од сперма од лосос. Тие со години се користат во медицински третмани за регенерација на кожата, но дури сега доживуваат комерцијален подем во областа на естетиката. Се смета дека овие супстанции го стимулираат природното обновување на кожата, го зголемуваат производството на колаген и значително ја подобруваат хидратацијата.