Шпански град прогласен за нова „Зелена престолнина на Европа“

Пофален за „доброто управување и долгорочната посветеност“, овој град ја заслужува титулата од неколку причини. Бидејќи одржливиот туризам станува сè поважен, вреди да се обрне внимание на градовите кои вложуваат дополнителни напори да бидат поеколошки. Добар пример е Копенхаген: од 2024 година, данската престолнина спроведува програма со која ги наградува туристите за собирање отпад и за одржливи начини на патување – а и други европски градови започнуваат слични иницијативи, пренесува Тајм аут. За да ги препознае и награди европските градови кои предничат во заштитата на животната средина, Европската Унија ја доделува наградата „Европска зелена престолнина“. Целта е да се истакнат местата кои преземаат конкретни чекори за решавање на еколошките проблеми и подобрување на квалитетот на животот на жителите.