Денес без вода Батинци и делови од Чаир

Дел од жителите на Батинци и на општина Чаир денеска, 27 октомври, ќе останат без вода поради планирани работни активности на ЈП „Водовод и канализација“ – Скопје. Во Батинци, општина Студеничани, прекинот во водоснабдувањето ќе започне во 9 часот поради чистење на резервоарот и ќе трае до завршување на работните активности. Без вода од 9 часот ќе бидат и корисниците на улиците Чаирска, Отокар Кершовани, Васил Аџиларски, 397, Мимар Синан, Албански националдемократи и Петар Георгиев, во општина Чаир. Прекинот е поради исклучување на стара водоводна мрежа на улицата Чаирска бб.