Трамп нуди милион долари за пријава на изборни измами

Американскиот претседател Доналд Трамп објави награда од еден милион долари за секој што ќе пријави изборна измама во Соединетите Американски Држави, под услов извештајот да доведе до апсење и осуда. Соопштението доаѓа само осум дена пред изборите за американскиот Конгрес, на кои ќе се одлучи дали републиканците ќе го задржат мнозинството во двата дома. Трамп ја најави наградата денес на својата социјална мрежа Трут соушал, а се однесува и на претходните избори и на претстојните гласања на 3 ноември. „Секој што ќе пријави изборна измама на минатите избори или на претстојните избори за Конгресот во 2026 година ќе добие 1.000.000 долари по апсењето и осудата на оние што ја извршиле измамата!“, напиша Трамп.