Француската економија под нов притисок: немирите ги загрижија инвеститорите

Насилните протести во Франција предизвикаа нова загриженост на финансиските пазари, откако инвеститорите почнаа да ги продаваат француските државни обврзници, а еврото ослабе во однос на фунтата и доларот. За време на немирите викендов беа запалени јавни згради, ограбени стотици продавници и уапсени илјадници луѓе. Полицијата употребила солзавец во судирите со демонстрантите, додека претседателот Емануел Макрон го осуди насилството и праша како е можно граѓаните да ја уништуваат сопствената земја. Приносот на десетгодишните француски државни обврзници во понеделник се зголеми за 10 базични поени, достигнувајќи 4,89 проценти, додека приносот на двегодишните обврзници достигна 3,6 проценти. Истовремено, се зголеми и разликата меѓу приносите на француските и германските десетгодишни обврзници, што укажува на поголема загриженост кај инвеститорите за ризикот од вложување во францускиот долг.