Sllovenia vendos kusht për përparimin e Serbisë drejt BE-së: Kërkon arkivat e shërbimeve sekrete

Kryeministri slloven, Janez Jansha, ka deklaruar se Sllovenia nuk do të mbështesë asnjë përparim të mëtejshëm drejt anëtarësimit të Serbisë në Bashkimin Evropian, derisa Beogradi të dorëzojë arkivat e ish-shërbimeve sekrete jugosllave që kanë të bëjnë me Slloveninë. Ai e bëri të ditur këtë qëndrim në platformën e rrjeteve sociale X, një ditë pas zgjedhjeve në Serbi, në një kohë kur çështja e rrugëtimit evropian të këtij vendi po shtrohet sërish. Ndonëse Komisionerja Evropiane për Zgjerim, Marta Kos, deklaroi më herët se “dera e BE-së është e hapur” për Serbinë, mesazhet nga Sllovenia tregojnë se vazhdimi i negociatave nuk do të jetë i mundur pa zgjidhur çështjet e mbetura pezull midis dy shteteve.