11:45 Dosje, tavolina dhe karrige të djegura, pamje ekskluzive brenda komisariatit nr.3 një ditë pasi protestuesit i vunë flakën

Këto janë pamjet nga ambienti i brendshëm i zyrës së pritjes në komisariatin numër 3, një ditë pasi protestuesit i vunë flakën gjatë protestës. Nga pamjet e realizuara, vihen re dosjet e djegura dhe i gjithë vendi i shkatërruar. Ndërkohë, drejtori i Përgjithshëm i Policisë së Shtetit, Skënder Hita, tha mbrëmë se si pasojë e këtij sulmi, mbetën të plagosur 10 punonjës të Policisë së Shtetit, të cilët ishin në krye të detyrë, në shërbim të ruajtjes dhe sigurisë së komisariatit.