Protestat në Shqipëri në axhendën e Parlamentit Europian, David McAllister njofton debat të posaçëm

“Bluzat e Bardha për Ndryshim”, një grupim mjekësh, infermierësh dhe profesionistësh të tjerë shëndetësorë shqiptarë që jetojnë dhe punojnë në Gjermani, iniciuan një apel drejtuar deputetëve të Bundestagut gjerman dhe eurodeputetëve gjermanë për situatën në Shqipëri. Apeli u mbështet nga mbi 350 mjekë, infermierë dhe profesionistë të tjerë shëndetësorë shqiptarë në Gjermani. Në të kërkohet një qëndrim publik në mbrojtje të së drejtës për protestë paqësore, hetim i pavarur dhe transparent për përdorimin joproporcional të forcës dhe të gazit lotsjellës, garanci që ambulancat dhe personeli mjeksor të shërbejnë vetëm për kujdesin ndaj të lënduarve, si dhe përfshirja e kësaj çështjeje në procesin e anëtarësimit të Shqipërisë në BE.