Balla i quajti protestuesit ”huliganë”, Bardhi: Fyerjet janë streha e fundit e pushtetit

Kreu i grupit parlamentar të PD-së, Gazment Bardhi akuzon mazhorancën se po shmang përgjegjësinë përmes sulmeve ndaj protestuesve dhe propagandës. Reagimi vjen pasi kreu i grupit parlamentar të PS, Taulant Balla, sot protestuesit i quajti ”huliganë dhe hajdutë”. Nga ana e tij, Bardhi shkruan se ”Shqipëria ka nevojë për drejtësi, transparencë dhe institucione që mbrojnë interesin publik. Askush nuk mund të jetë mbi ligjin”. Fyerjet dhe balta e hedhur mbi qytetarët që protestojnë janë bërë streha e fundit e një pushteti që nuk dëshiron të përballet me të vërtetën. Shqipëria e di se kush duhet të japë llogari për korrupsionin, abuzimin me pushtetin dhe vjedhjen e besimit të qytetarëve. Përgjegjësia nuk mund të fshihet pas sulmeve ndaj protestuesve, as të relativizohet përmes propagandës. Kur qytetarët kërkojnë drejtësi dhe llogaridhënie, ndërsa pushteti përdor votën parlamentare për të penguar arrestimin e zyrtarëve të dyshuar, atëherë lindin pyetje serioze për standardet e barazisë para ligjit. Askush nuk mund të jetë mbi ligjin.