Balla pas mbledhjes së PS: Dorëheqja e Edi Ramës nuk ka për të ndodhur kurrë

Pas mbledhjes së fundit, ku i pranishëm ishte dhe Kryeministri Edi Rama, kreu i Grupit të PS-së, Taulant Balla, zhvilloi një konferencë me gazetarët Balla, ka deklaruar se nuk do të ketë zgjedhje të parakohshme dhe se kryeministri Edi Rama nuk do të japë dorëheqjen. Ai bëri të ditur gjithashtu se ligji për tubimet do të miratohet me akt normativ. “Sa i përket diskutimeve në Grupin Parlamentar, fokusi ishin ligjet që do diskutohen në seancën e radhës. Të gjitha ligjet lidhen me negociatat. I kam kërkuar deputetëve tanë në komisione që të mbyllen në kohë. Deri më sot asnjë ligj nuk kalon në procedurë të përshpejtuar. Janë ligje që janë diskutuar prej javësh në Kuvend dhe ftoj opozitën që të heqë dorë nga agresiviteti dhe të mos harrojmë që procesi i integrimit është proces historik për vendin. Sa i përket ligjit për tubimet, do të miratohet me akt normativ.