Gjini: Tetë gra të vrara brenda vitit tregojnë dështimin e sistemit për t’i mbrojtur

Pas vrasjes së Arlinda Zekajt, kryetari i Aleancës, Ardian Gjini, ka akuzuar institucionet për paaftësi në mbrojtjen e grave që përballen me dhunën. Ai ka rikthyer në vëmendje mesazhin e viktimës: “Uroj që të mos jepni llogari vetëm pasi të jetë marrë jeta ime”, duke e cilësuar atë si një testament që tregon se Arlinda Zekaj e kishte kuptuar rrezikun që i kanosej. “Tetë gra të vrara brenda vitit janë tetë dëshmi se sistemi ynë nuk mbron askënd. Këtu po flasim për një shtet që thjesht nuk ekziston për njerëzit e vet”, ka shkruar Gjini.