Zoti Rama, thuajini emrat e “ekraneve të korruptuara”!

“UNË NUK GËNJEJ edhe pse nuk i them të gjitha”, shkruan kryeministri Edi Rama, ndërsa akuzon ata që, sipas tij, “tërë këto ditë po gatuajnë mish për top nëpër ekranet e tyre të korruptuara”. Pikërisht këtu nis detyrimi i tij për të dhënë shpjegime. Sepse kur kryeministri i vendit akuzon publikisht media për korrupsion, qytetarët kanë të drejtë të dinë: Cilat janë ato? Kush janë pronarët? Për çfarë korrupsioni bëhet fjalë dhe ku janë provat? Rama nuk është një komentues i zakonshëm në rrjetet sociale. Është kreu i qeverisë dhe fjala e tij ka peshën e pushtetit. Një akuzë e tillë kërkon përgjegjësi, emra dhe fakte.