Visar Mehmeti pritet t’i bashkohet Shaip Kamberit si deputeti i dytë shqiptar në Parlamentin e Serbisë

Përllogaritjet paraprake të zgjedhjeve parlamentare të mbajtura të dielën, më 25 tetor, tregojnë se Koalicioni Shqiptar mund të fitojë dy mandate në Parlamentin e Serbisë. Nëse konfirmohen këto rezultate, Shaip Kamberi dhe Visar Mehmeti do të përfaqësojnë shqiptarët e Luginës së Preshevës në Kuvendin serb. Subjektet politike shqiptare nga Presheva, Bujanoci dhe Medvegja u bashkuan në listën e përbashkët “Koalicioni Shqiptar”, e cila ishte me numrin 17 në fletëvotim.