Çfarë pasojash shkaktojnë plumbat e gomës? Eksperti i Sigurisë, Fatjon Softa jep detajet

Eksperti i sigurisë Fatjon Softa ka shpjeguar rregullat që duhet të respektojë policia gjatë përdorimit të plumbave të gomës, duke theksuar se ata nuk duhet të qëllohen në drejtim të kokës apo pjesëve të sipërme të trupit. Sipas tij, përdorimi në distanca të afërta mund të sjellë pasoja të rënda, deri në humbjen e shikimit dhe dëmtime të kockave. I ftuar në emisionin “Review”, në Euronews Albania, Softa foli për përdorimin e plumbave të gomës nga policia, në një kohë kur është në vëmendje rasti i 28-vjeçarit Erjon Vishkulli, i cili mbeti i plagosur në sy gjatë protestës. Softa theksoi se përdorimi i këtyre municioneve duhet të bëhet vetëm në rrethana të caktuara dhe në përputhje me protokollet përkatëse.