Pas dëmtimit në sy gjatë protestës, Erjon Vishkulli mbërrin në Romë për një operacion të rrallë

Erjon Vishkulli, 28 vjeç, ka udhëtuar drejt Romës pasi u plagos në sy gjatë protestës së së shtunës në Tiranë, ndërsa pritet t’i nënshtrohet një ndërhyrjeje kirurgjikale. Përmes një postimi në Instastory, ai ka njoftuar se ndodhet në spitalin “San Carlo” të Romës dhe se do të kryejë një prej operacioneve që i përshkruan si të rralla. Vishkulli ka bërë me dije se sapo ka mbërritur në spital dhe se do të hyjë në ndërhyrje, duke shprehur shpresën për një mrekulli. Mesazhin e tij e ka shoqëruar me simbole lutjeje dhe flamurin shqiptar.