“Rama TQR”/ Pas refuzimit të dialogut, protestuesit shkruajnë muret e Kryeministrisë

Protestuesit kanë shkruar me bojë të kuqe mbishkrimin “Rama TQR” në muret e Kryeministrisë, gjatë protestës së sotme në Tiranë. Siç duket edhe në foto, një i ri shkruan mbishkrimin pas krahëve të efektivëve të policisë, mesazh drejtuar Edi Ramës, teksa më herët ata i vunë dhe flakën karrigeve të dialogut. Protesta e sotme para Kryeministrisë është zhvilluar në një situatë më të qetë, krahasuar me një ditë më parë, kur demonstrata u shoqërua me përplasje të ashpra mes protestuesve dhe forcave të policisë.