Drenica mbetet pa trajner, Jeton Mehmeti largohet nga detyra

Jeton Mehmeti nuk do të jetë më trajner i KF Drenica, pasi ka njoftuar dorëheqjen nga drejtimi i skuadrës. Lajmin e bëri të ditur përmes një postimi në Facebook, ku sqaroi se rrethanat e krijuara së fundmi e kanë bërë të pamundur vijimin e bashkëpunimit. Mehmeti e përshkroi periudhën në krye të Drenicës si një etapë me probleme, sfida, por edhe momente pozitive. Ai falënderoi kryetarin Halim Bajraktari për besimin, lojtarët, mirëmbajtësit dhe ekonomët e klubit, si dhe të gjithë ata që e kanë mbështetur.