Të shtëna pranë stadiumit të Florida A&M: 11 të plagosur, përfshirë gjashtë të mitur

Të shtunën në mbrëmje, pranë stadiumit Bragg Memorial të Universitetit Florida A&M në Tallahassee të Floridës, mbetën të plagosur 11 persona nga të shtënat me armë zjarri. Shefi i policisë lokale, Lawrence Revell, bëri të ditur se mes të plagosurve janë gjashtë të mitur, përfshirë një djalë 11-vjeçar, si dhe një student. Sipas CNN, një person është në gjendje kritike dhe tre të tjerë kanë pësuar lëndime serioze. Tetë të plagosurit e tjerë ndodhen në gjendje të qëndrueshme. Gjyshja e njërit prej viktimave u plagos gjithashtu, teksa po përpiqej të largohej nga vendi i ngjarjes.