Moti këtë të dielë

Shqipëria parashikohet të ketë këtë të diel mot të ndryshueshëm, me reshje të herëpashershme dhe kthjellime. Në shumë zona, kushtet atmosferike pritet të përmirësohen pas paradites. Në Tiranë parashikohen reshje të shkurtra në mëngjes dhe rreth mesditës, ndërsa pasditja do të sjellë kthjellime. Temperatura maksimale pritet të arrijë në 20°C, për të zbritur në rreth 12°C në mbrëmjen e vonë. Në Shkodër, reshjet e mëngjesit do t’ua lënë vendin kthjellimeve, me temperatura deri në 20°C. Në Kukës priten reshje të hershme, të pasuara nga alternime vranësirash dhe dielli, ndërsa maksimumi do të jetë rreth 18°C.