Berisha përgatit PD-në për zgjedhjet lokale dhe kërkon front të përbashkët opozitar, pa ndërprerë protestat

Sali Berisha, kryetar i Partisë Demokratike, ka bërë të ditur se opozita do të vazhdojë protestat kundër qeverisë së Edi Ramës. Ai kërkoi që mobilizimi i qytetarëve dhe pjesëmarrja e të rinjve të kthehen në një forcë politike të qëndrueshme. Duke folur në një takim në selinë e PD-së me grupet e punës të qarkut Tiranë, Berisha trajtoi organizimin e protestave, vijimin e aksionit opozitar dhe përgatitjen për zgjedhjet e ardhshme lokale. Kreu i demokratëve u kërkoi strukturave të partisë të mbajnë gjallë mobilizimin. Sipas tij, angazhimi i të rinjve nuk duhet të shkojë dëm, ndërsa protesta mbetet pjesë e veprimtarisë së PD-së dhe nuk do të braktiset.