Aksident në Rrugën e Arbrit, dy të plagosur

Një aksident rrugor është regjistruar në orët e para të mëngjesit në aksin që lidh Matin me Rrugën e Arbrit, në fshatin Fshat të Klosit. Në aksident janë përfshirë dy automjete, një tip “Benz” dhe një “Volkswagen”, të cilat janë përplasur pranë rrethrrotullimit të Rrugës së Arbrit. Përplasja ka shkaktuar dëme të konsiderueshme materiale në të dyja mjetet. Si pasojë e aksidentit, kanë mbetur të plagosur dy drejtuesit e automjeteve. Sipas informacionit paraprak, ata ndodhen jashtë rrezikut për jetën.