Përfundon protesta në kryeqytet, raportohet për 13 të lënduar dhe shoqërime

Protesta në Tiranë ka përfunduar rreth orës 21:15, ndërsa protestuesit janë larguar dhe disa akse rrugore të kryeqytetit kanë mbetur të boshatisura. Pas përplasjeve mes protestuesve dhe forcave të policisë, në bulevardin “Dëshmorët e Kombit” ka nisur largimi i gurëve dhe sendeve të tjera të forta të hedhura gjatë tubimit. Disa prej protestuesve janë shoqëruar nga policia. Sipas Ministrisë së Shëndetësisë, deri tani janë regjistruar 13 persona të lënduar gjatë protestës.