“Drejtësi e dobët, e padrejtë”/ Policia identifikon dhunuesit, Minxhozi: Të mos lirohen për t’u kthyer në karburant për protestën

Analisti Skënder Minxhozi thotë se drejtësia është treguar e dobët dhe e padrejtë, me lirimin e protestuesve të dhunshëm. Në një intervistë për “Breaking News” në ABC News, Minxhozi u shpreh se gjykata nuk duhet të lirojë dhunuesit e identifikuar dhe arrestuar nga policia, që më pas të kthehen në karburant për protestën. “Do doja që gjykatat të merrnin parasysh provat, këtu shkelet masivisht ligji për tubimet, i vitit 2021. Gjithçka përfundon në një tavolinë gjykatësi në fund. Këta persona, pasi të identifikohen, të konsiderohen të rrezikshëm nga organet ligjzbatuese dhe mos t’i lirojnë, për t’i mos kthyer në karburant proteste. Prokurorët reafuan për një deklaratë të Taulant Ballës dhe nuk deklaruan për dhunën ndaj Gjykatës së Apelit dhe Gjykatës së Lartë.