Protesta e studentëve, Policia shton masat: autoboti i ujit pranë Kuvendit

Pak para nisjes së protestës kombëtare të studentëve në Tiranë, Policia e Shtetit ka shtuar masat e sigurisë për garantimin e mbarëvajtjes së tubimit. Në kuadër të planit të masave, pranë Kryesisë së Kuvendit është pozicionuar edhe autoboti i ujit, ndërsa forca policore janë vendosur pranë institucioneve kryesore. Studentët, të cilët prej tre javësh vijojnë protestat kundër qeverisë, pritet të mblidhen fillimisht përpara Ministrisë së Arsimit. Një nga kërkesat e tyre kryesore mbetet dorëheqja e kryeministrit Edi Rama.