Bisedat e gjata të Spallettit në stërvitje, burim pakënaqësie te Juventusi

Një pjesë e lojtarëve të Juventusit nuk është e kënaqur me mënyrën si Luciano Spalletti drejton stërvitjet. Sipas mediave italiane, ata mendojnë se trajneri toskan shpenzon tepër kohë duke folur, duke lënë më pak hapësirë për ushtrime intensive. Juventusi ka përpara një përballje vendimtare në Serie A kundër Napolit. Për këtë arsye, Spalletti ka caktuar dy seanca stërvitore brenda së njëjtës ditë. Rezultatet e deritanishme e kanë vënë trajnerin italian nën presion: në nëntë ndeshje të Serie A këtë sezon, ekipi ka grumbulluar vetëm 14 pikë dhe ka pësuar dy humbje në tri ndeshjet e fundit.