BE dënon dhunën në protesta, ambasadorja De Sousa: Problemet të adresohen tek institucionet demokratike

Është mbajtur në Elbasan takimi i katërt i Komitetit Konsultativ CoR-Shqipëri, ku u diskutua mbi rolin e pushtetit vendor në procesin e integrimit evropian. E pranishme në takim, ambasadorja e BE-së në Shqipëri, Sofia Moreira de Sousa, u ndal te ngjarjet e fundit në vend, duke theksuar papranueshmërinë e dhunës, por edhe domosdoshmërinë që institucionet të kenë kapacitetet e duhura për të dëgjuar dhe për të adresuar pakënaqësitë e qytetarëve. Nga ana e tij, bashkëkryetari i Komitetit të Përbashkët Konsultativ CoR-Shqipëri, Antonio Mazzeo, u ndal gjithashtu te situata e ditëve të fundit në Shqipëri, duke e cilësuar dhunën të papranueshme.