BE kërkon afrimin e Kanadasë/ Von der Leyen: Duam të bëhet anëtare e asociuar në union

Bashkimi Evropian dhe Kanadaja synojnë të thellojnë bashkëpunimin në fushat e Inteligjencës Artificiale, klimës, energjisë dhe sigurisë, ndërsa po shqyrtojnë një model të ri partneriteti që mund ta afrojë Otavën më shumë me strukturat evropiane. Presidentja e Komisionit Evropian, Ursula von der Leyen, deklaroi gjatë një vizite në Montreal, në kuadër të samitit Kanada-BE, se të dyja palët mund të ndërtojnë një marrëdhënie që i afrohet anëtarësimit më shumë se çdo model bashkëpunimi i ndjekur deri më tani. “Kanadaja dhe Bashkimi Evropian janë dy sisteme plotësuese. Sigurisht, Kanadaja nuk mund të bëhet anëtare me të drejta të plota e Bashkimit Evropian për shkak të gjeografisë. Por të dy duam ta çojmë marrëdhënien tonë në nivelin më të lartë të mundshëm. Dhe kjo është arsyeja pse po diskutojmë idenë që Kanadaja të bëhet anëtarja e parë e asociuar e BE-së.”