Michelle Hunziker tregon formulën e bukurisë në prag të 50-vjetorit: Rëndësi ka energjia pozitive

Për Michelle Hunziker, një buzëqeshje e sinqertë dhe qëndrimi pozitiv janë baza e një pamjeje të bukur. Moderatorja dhe sipërmarrësja italiane, e cila në janar mbush 50 vjeç, foli për kujdesin ndaj lëkurës dhe veçoi pastrimin e fytyrës dhe hidratimin si hapa të domosdoshëm. “Cili është sekreti i parë i bukurisë? Për mua, ajo që na ndihmon të qëndrojmë të rinj mbi të gjitha është energjia pozitive”, deklaroi Hunziker. Ajo rrëfeu se pastrimi i fytyrës para gjumit ka qenë një rregull i pandryshueshëm në rutinën e saj ndër vite.