“Publikojmë reflektimin e qeverisë për problematikat”/ Rama: Kush mendon që gjunjëzon shtetin, gabon

Kryeministri Edi Rama ka paralajmëruar se brenda pak orësh ose ditësh qeveria do të prezantojë reflektimin e saj mbi problematikat e ngritura nga qytetarët, veçanërisht për shtrenjtimin e kostos së jetesës dhe meritokracinë. Gjatë adresimit të tij, Rama u shpreh se qeveria mbetet e hapur për dialog me qytetarët që kërkojnë më shumë vëmendje ndaj shqetësimeve të tyre. Ndërsa për protestuesit që përfshihen në akte dhune, kreu i qeverisë paralajmëroi masa të forta dhe ndëshkime ligjore. “Kush mendon që gjunjëzon shtetin, gabon”, deklaroi Rama, duke theksuar se dhuna ndaj qytetarëve, bizneseve dhe familjeve nuk do të tolerohet.