Dosje e plotë e dhunës dhe autorëve”/ Demo: Para drejtësisë shkatërruesit e bizneseve

Ministri i Brendshëm, Ervin Demo, deklaroi se Policia e Shtetit po përdor teknologjinë dhe burime të ndryshme filmike për identifikimin e personave që kanë kryer akte dhune gjatë protestave të ditëve të fundit. Sipas tij, janë identifikuar edhe individë që kanë tentuar të fshehin fytyrën përmes maskave. Demo theksoi se procesi po vijon me qëllim dokumentimin e rasteve të dhunës ndaj institucioneve publike dhe bizneseve private. Ai garantoi se të gjitha rastet e evidentuara do t’i përcillen Prokurorisë, me synimin që përgjegjësit të dalin para drejtësisë. “Në fakt unë do doja të identifikoja specifikisht rëndësinë që ka tashmë procesi që Policia e Shtetit është duke ndjekur për sa i përket identifikimit të vazhdueshëm që bën të elementëve të dhunshëm, të cilët kanë marrë pjesë në protestat e ditëve të fundit.