“Do e kishit mbushur me kamera këtu”, Meta me akuza të forta në sallën e gjyqit

Seanca gjyqësore në Gjykatën e Posaçme për çështjen ndaj Ilir Metës dhe Monika Kryemadhit është shtyrë për herë të dytë. Ajo e radhës është caktuar për më 5 nëntor, ndërsa gjykata ka vendosur edhe caktimin e një avokati kryesisht për mbrojtjen e të pandehurve. Shkak për shtyrjen është bërë mungesa e avokatëve mbrojtës, të cilët nuk janë paraqitur në seancë, pavarësisht vendimit të Gjykatës së Apelit Administrativ. Avokatët kanë pretenduar se nuk kanë marrë dijeni, sipas rrugëve ligjore, për pezullimin e bojkotit të vendosur nga Dhoma Kombëtare e Avokatisë.