E trishtë! Humbi betejën me tumorin, ndahet nga jeta në moshën 25-vjeçare këngëtarja shqiptare

Artistja nga Kosova Rinesa Qeriqi, e njohur në skenën muzikore me emrin artistik Rinesancë, është ndarë nga jeta në moshën 25-vjeçare. Lajmi i trishtë është bërë i ditur nga familja e saj. Këngëtarja prej kohësh vuante nga një tumor në tru, sëmundje me të cilën luftoi deri në fund, por fatkeqësisht nuk arriti ta mposhtte. Për të ndihmuar në përballimin e shpenzimeve të trajtimit mjekësor, ishte organizuar edhe një fushatë për mbledhjen e fondeve. Lajmin e hidhur e ka bërë edhe më prekës reagimi i motrës së saj, e cila i ka kushtuar disa fjalë emocionuese përmes një postimi në rrjetet sociale.