Alarm në Bayern Munich: Vincent Kompany dërgohet me urgjencë në spital

Gazeta gjermane Bild raportoi se trajneri i Bayern Munichut, Vincent Kompany, është dërguar me ambulancë në një spital të Mynihut të premten, duke shtuar shqetësimin për gjendjen e tij shëndetësore. Sipas raportimit, më herët një helikopter ishte ulur në qendrën stërvitore të Bayernit. Deri tani nuk janë bërë të ditura rrethana të tjera lidhur me incidentin. Përpara ndeshjes së Bayern Munichut me Arsenalin në Ligën e Kampionëve, Kompany kishte pasur probleme serioze shëndetësore, mes tyre një infeksion viral dhe shqetësime në ijë. Megjithatë, ai ishte lejuar të rikthehej në stol.