Sony patenton një dorezë PlayStation 6 pa butona fizik, vetëm një ekran me prekje

Sony po shqyrton një koncept të ri për kontrolluesin e gjeneratës së ardhshme të PlayStation, i cili mund të ndryshojë mënyrën se si lojtarët ndërveprojnë me konsolën. Një patentë e publikuar nga kompania përshkruan një pajisje pa butonat tradicionalë, duke i zëvendësuar me një sipërfaqe të vetme me prekje dhe ekran të integruar. Sipas dokumentacionit teknik, ideja synon të zgjidhë një nga kufizimet e kontrolluesve aktualë, siç janë madhësitë dhe pozicionet fikse të butonave, të cilat nuk janë gjithmonë të përshtatshme për duart e të gjithë lojtarëve. Në vend të kontrolleve fizike, përdoruesit do të mund të krijojnë një ndërfaqe virtuale sipas preferencave të tyre. Ata mund të ndryshojnë madhësinë e butonave, të zhvendosin levat virtuale, të rregullojnë distancën mes kontrolleve dhe të shtojnë shortcuts për veprime specifike gjatë lojës.