Deputetja e PS, Muzhaqi zbulon paketën e masave për të rinjtë

Deputetja e PS-së, Bora Muzhaqi u shpreh se dhjetë ditët e protestës kanë nxjerrë në pah një sërë problematikash që kërkojnë zgjidhje. Muzhaqi theksoi se të rinjtë duhet të dëgjohen, por pa iu drejtuar dhunës. Ju keni drejtuar edhe një dikaster që ka pasur lidhje me rininë dhe aktivitetin e saj. Së pari, doja t’ju pyesja: çfarë ju kanë thënë juve personalisht këto dhjetë ditë të protestës? Bora Muzhaqi: Mendoj që këto 10 ditë i kanë thënë jo vetëm mua, por të gjithë shqiptarëve shumë gjëra. Së pari, që kemi punë për të bërë për sa i përket studentëve, ka një sërë sfidash që do duhen zgjidhur lidhur me ta. Së dyti, që duhet të jemi shumë të kujdesshëm me të rinjtë tanë, qoftë kjo në shkollë, por edhe në shoqëri dhe në familje, sepse qartazi kemi lejuar që të rinjtë tanë të përdoren. Sepse diçka që po shihet në mënyrë të vazhdueshme, kur ti sheh minorenët që janë në krye të protestës edhe që janë ata të rinjtë me kapuça në kokë duke bërë akte të dhunës, mendoj që diku, dikush, ndoshta të gjithë bashkë si shoqëri kemi dhënë një mesazh që dhuna është diçka që mund të bëhet edhe nuk e shohim si problematike.