“The Times” zbulon skenarin gjatë zgjedhjeve në Serbi

Presidenti serb Aleksandar Vuçiç ishte përgatitur të mbante pushtetin me forcë, por hoqi dorë nga ky plan pas bisedimeve me përfaqësues të qeverive europiane. Kështu pretendojnë burime të cituara nga gazeta britanike The Times, sipas të cilave kreu i shtetit serb ishte pranë organizimit të një grushti të dhunshëm shteti për të qëndruar në pushtet, përpara se të pranonte humbjen në zgjedhjet e së dielës. Politikanë dhe një ish-zyrtar i lartë i policisë, të cilët kanë folur për gazetën, pretendojnë se Vuçiç ishte i vendosur të ruante pushtetin pas 12 vitesh në krye të vendit.