Abissnet Superiore në RTSH/ Nuk ka fund kriza e Partizanit, Elbasani fiton me përmbysje

Nuk ka fund kriza e Partizanit. “Të kuqtë” pësojnë humbjen e 6-të radhazi në kampionat në “Elbasan Arena”, pasi mposhten 2-1 nga vendasit, që fitojnë me përmbysje një ndeshje të bukur dhe të luftuar. “Demat” nisin shumë mirë sfidën dhe kalojnë në avantazh me Jovicic, që debuton në mënyrën më të mirë me fanellën e Partizanit. Miqtë luajnë më mirë, madje shënojnë sërish me Jovicic, por goli anulohet për pozicion jashtë loje. Pjesa e parë mbyllet me avantazhin minimal 1-0 të Partizanit. Elbasani ndryshon ritmin në pjesën e dytë dhe i afrohet golit me Nikajn dhe Boriçin. Loja është e hapur dhe të dyja skuadrat janë në kërkim të golit. Janë verdheblutë ata që gjejnë rrugën e rrjetës me Mazarin, që shënon golin e barazimit në minutën e 82-të.